( प्रगत भारत । pragatbharat.com)
Shadashtak Yog: दिवाळीत धनत्रयोदशीच्या दिवशी अनेक शुभ योगांसोबतच धनत्रयोदशीला शनी केतू एक खास योग बनवत आहे. शनी आणि केतूने यावेळी षडाष्टक योगही तयार केला आहे. या योगामुळे 2024 पर्यंत काही राशीच्या लोकांनी सावध राहण्याची गरज आहे कारण हा योग काही राशींसाठी नुकसानदायक ठरणार आहे.
धनत्रयोदशी शुक्रवारी म्हणजेच 10 नोव्हेंबर रोजी साजरी केली जाणार असून या दिवशी अनेक दुर्मिळ योगायोगही घडतोय. परंतु त्यासोबत शनि केतूचा षडाष्टक योगही तयार होतोय. हा योग अत्यंत दुर्मिळ मानला जातोय.
वैदिक ज्योतिष शास्त्रानुसार, शनि केतूचा षडाष्टक योग तयार होतो. सध्या, शनि त्याच्या मूळ त्रिकोण राशीत कुंभ राशीत आहे आणि केतू कन्या राशीत आहे. केतू सोबत शुक्र देखील कन्या राशीत आहे. अशा स्थितीत हा योग काही राशींसाठी नुकसान योग निर्माण करत असून त्यांनी 2024 पर्यंत सावध राहण्याची गरज आहे. जाणून घेऊया शनि केतूच्या षडाष्टक योगामुळे कोणत्या राशींच्या आयुष्यात वादळ येणार आहेत.
वृषभ रास
वृषभ राशीच्या लोकांसाठी धनत्रयोदशीला शनि केतूचा षडाष्टक योग फलदायी मानला जात नाही. वृषभ राशीच्या लोकांना आरोग्याशी संबंधित समस्यांना सामोरं जावं लागू शकतं. वाहन चालवताना विशेष काळजी घ्या. तुम्हाला मानसिक तणावाचा सामना करावा लागू शकतो. तुम्ही गुंतवणूक करण्याचा विचार करत असाल तर एकदा तज्ञांचा सल्ला जरूर घ्या. कौटुंबिक बाबी संयमाने सोडवाव्यात.
कर्क रास
कर्क राशीच्या लोकांसाठी धनत्रयोदशीला शनि केतूचा षडाष्टक योग धोकादायक ठरणार आहे. या काळात आपल्या जोडीदाराच्या तब्येतीची काळजी करावी लागणार आहे. अनपेक्षित खर्चामुळे देशांतर्गत अर्थव्यवस्थेवर परिणाम होऊ शकतो. सहकारी आणि अधिकारी यांच्यामुळे कामात अडचणी येऊ शकतात. कुटुंबातील सदस्याशी वाद होऊ शकतो. पैसे गुंतवण्याच्या दृष्टिकोनातून हा काळ अनुकूल नाही.
वृश्चिक रास
वृश्चिक राशीच्या लोकांसाठी धनत्रयोदशीला शनी केतूचा षडाष्टक योग चढ-उतारांनी भरलेला असणार आहे. या काळात कोणत्याही प्रकारच्या वादापासून दूर राहावं. खर्च वाढल्यामुळे तुम्हाला आर्थिक संकटाचा सामना करावा लागू शकतो. कोणाशीही पैशाची देवाणघेवाण टाळा. घरगुती समस्यांना सामोरे जावे लागू शकतं. आईसोबत काही मुद्द्यावर वैचारिक मतभेद होऊ शकतात
मीन रास
मीन राशीच्या लोकांनी या काळात विशेष सावधगिरी बाळगावी लागणार आहे. जर तुम्ही कोर्ट केसमध्ये अडकले असाल तर तुम्हाला काही दिवस वाट पहावी लागेल. मुलांच्या वागणुकीमुळे अडचणी येऊ शकतात. कौटुंबिक सुख-शांती भंग होऊ शकते, ज्यामुळे तुम्ही चिंतेत राहणार आहात.
(Disclaimer – या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. झी 24 तास या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)
